Біздің тарих
Әулиекөлдегі кітапхана туралы алғашқы деректер 1919 жылдан басталады. Бұл қарапайым ағаштан жасалған үйшік, кішігірім әдебиеттер қойылған тақтайшадан жасалған сөресі болды. Мұнда ересектер де, балалар да келді. Алғашқы кітапханашы Чувилин болды. 1964 жылы аудандық балалар кітапханасы ашылды, оның кітап қорының өзегі құрылыс отрядтарының студенттері сыйға тартқан кітаптар болды. Кітапхана бір жерден бір жерге бірнеше рет көшіп, кітапханашылар жиһаз бен қорды бірнеше рет тасымалдады.
1969 жыл. Ең үлкен қуаныш - балалар кітапханасы үшін жаңа бөлме бөлінді. Бөлменің жалпы ауданы - 230 ш.м.: жеке абонемент, жеке оқу залы және кітап қоймасы бар еді. Сонымен тынымсыз жұмыс басталды. Кітапханада әрдайым кішкентай оқырмандарға деген жайлылық пен мейірімділік орнады. Оларды кітапханадағы әдемі безендірілген көрмелерге, оқу залындағы дауысты оқылымдарға, оқылған әңгімелер туралы сұқбаттар, ертеңгіліктер мен викториналар баурап алған болатын.
Жылдар жылжи бастады...1998 жыл.
Біздің кітапхана орталық аудандық кітапханамен бірге арнайы бөлінген үй-жайға көшті. Балалар кітапханасына жарық, сәулелі жағы бөлінді. Біз бірінші қабаттың оң қанатына орналастық, бұл абонементті ересек және кіші топ деп бөлуге, жарық оқу залын ұйымдастыруға мүмкіндік берді.
Қызметкерлер мен оқырмандардың бірнеше буыны өзгерді. Көптеген жылдар бойы еңбек етіп,құрметті демалысқа шыққан : Мачнева Ирина Викторовна, Непочатова Екатерина Петровна, Шерстнева Галина Евгеньевна сияқты қызметкерлерімізге алғысымыз шексіз.
Кітапханашылардың балаларға беретін мейірімділігінде шек жоқ деп айтуға болар еді. Кішкентай оқырмандардың жанын баулап, аса көп назарға іліккен балалар бұл жерге үнемі асық. Оларды әрдайым күлімдеп, қанатты сөздермен қарсы алатын жандар бар болғандықтан, жүректері алып-ұшып кітапханаға келуге асығады.
